Kryeministri i Kosovës, Avdullah Hoti u shpreh se për zgjedhjen e presidentit të ri do të nisin shumë shpejt bisedimet me partitë politike. Ai shtoi se rruga kushtetuese është e qartë.
“Besoj që kjo çështje do të marrë udhë, për disa ditë fillojmë bisedat me gjithë spektrin politik, për ta parë se si mund ta kalojmë këtë situatë. Rruga kushtetuese është e qartë, besojmë në një zgjidhje që është më e mira për vendin”, -pohoi Hoti.
Aktualisht postin e presidentes është duke e ushtruar kryetarja e Kuvendit të Kosovës, Vjosa Osmani, e cila zëvendësoi Hashim Thaçin pas dorëheqjes.