Standard.al

Vijon konflikti i ashpër, Armenia sulm me raketa ndaj Azerbajxhanit

0

Azerbajxhani ka akuzuar Armeninë për vrasjen e 21 personave dhe plagosjen e disa të tjerëve në një sulm raketash pranë Nagorno-Karabakh të Mërkurën, sulmi më vdekjeprurës i raportuar ndaj civilëve në një muaj luftimesh mbi rajonin e diskutueshëm.

Armenia i mohoi menjëherë akuzat.

Yerevan akuzoi gjithashtu forcat e Azerbajxhanit për sulme të tjera vdekjeprurëse në zonat civile të Nagorno-Karabakh.
Sulmet e fundit erdhën pavarësisht armëpushimit të ndërmjetësuar nga SHBA-ja në fundjavë, përpjekja e tretë e armëpushimit, e cila u prish vetëm disa minuta pasi ajo hyri në fuqi.

Ndihmësi presidencial i Azerbajxhanit Hikmet Hajiyev tha se forcat armene kishin qëlluar me raketa në Barda, duke i akuzuar ata për përdorimin e municioneve “për të shkaktuar viktima midis civilëve”.

Zyra e prokurorit të përgjithshëm tha se ata kishin sulmuar një zonë të populluar, duke vrarë 21 civilë dhe duke plagosur të paktën 70 të tjerë.

Azerbajxhani akuzoi të martën Armeninë për një tjetër sulm raketash në rrethin Barda që vrau katër civilë, përfshirë një vajzë dy-vjeçare.

Ky është numri më i madh i forcave të Azerbajxhanit, që kur 13 njerëz u vranë në bombardimet në Ganja më 17 tetor. Armenia ka mohuar kryerjen e sulmeve ndaj civilëve dhe zëdhënësi i Ministrisë së Mbrojtjes të Mërkurën Shushan Stepanyan tha se pretendimi i fundit ishte “i pabazë dhe i rremë”.

Leave A Reply

Your email address will not be published.

This site uses Akismet to reduce spam. Learn how your comment data is processed.