Kryeministri Edi Rama ishte pasditen e sotme së bashku me kreun e bashkisë së Tiranës, Erion Veliaj në Farkë ku ka dorëzuar letrën e legalizimit të banesave të reja familjeve që mbetën pa strehë pas tërmetit.
Kryeministri ka pasur edhe një ‘incident’ me maskën ku shkruhet ‘PS’, pasi gjatë ët gjithë kohës e mbante me kokë poshtë. Sapo e ka vënë re, Rama nuk ka ngurruar që ta vërë ashtu siç duhet duke lëshuar edhe batuta me qytetarin duke thënë se pse nuk i tregoi.
PJESË NGA BISEDA:
EDI RAMA: Pse s’më thua që e kam vënë PS-në mbrapsht, apo ashtu e do ti mbrapsht?
Kryefamiljari: Po unë nuk e dija që është PS-ja ajo.
Në fakt edhe vetë Rama e di që ajo që drejton që nga 2013 kur erdhi në pushtet nuk është më PS-ja por Rilindja.
