Standard.al

Covid 19/ A jemi të përgatitur për atë që na pret në vjeshtë dhe dimër? Ja çfarë thotë eksperti amerikan

0

Eksperti i lartë i sëmundjeve infektive, Anthony Fauci, ka thënë se SHBA-ja është ende në valën e parë të pandemisë së coronavirusit, ndërsa vendi po kalon nëpër një “sfidë” teksa po hyn edhe në stinën e vjeshtës dhe dimrit.

“Në vend se të themi një valë e dytë, pse nuk themi më mirë: A jemi të përgatitur për sfidën e vjeshtës dhe dimrit?”, tha ai për CNN.

Fauci potencoi se ideja e një vale të dytë buron nga pandemia e Gripit Spanjoll e vitit 1918.

Asokohe sëmundja e cila preku një mori njerëzish në pranverë, kishe ‘pauzuar’ për të shpërthyer përsëri në stinën e vjeshtës.

Eksperti amerikan u shpreh se zonat të cilat rrafshuan kurbën e rasteve me COVID-19, duhet të ndjekin udhëzimet për t’i parandaluar rritjet e reja, gjë që në mënyrë të pashmangshme mund të ndodhin në rast se nuk zbatohen ato.

Në mesin e këtyre udhëzimeve përfshihen ato rregulla të cilat u implementuan nga Organizata Botërore e Shëndetësisë, sikurse pastrimi i duarve në mënyrë të vazhdueshme, shmangia e turmave si dhe mbajtja e masave kur nuk është i mundur distancimi shoqëror.

Leave A Reply

Your email address will not be published.

This site uses Akismet to reduce spam. Learn how your comment data is processed.