Standard.al

Meta-ambasadorëve të BE: Garantimi i zgjedhjeve të lira, kyç për të ardhmen europiane të Shqipërisë…

0

Zbardhen detaje nga takimi që presidenti Ilir Meta pati sot me ambasadorë të vendeve anëtarë dhe delegacionit të BE-së në Tiranë.

Ka qenë vet presidenti Meta ai që ka zbardhur detaje nga takimi, ndërsa theksoi se ka ndarë me diplomatët shqetësimet si dhe angazhimet e tij për plotësimin e 6 kushteve të BE.

Kreu i shtetit përmes një postimi në ‘Facebook’ bëri me dije se ka theksuar rëndësinë e garantimit të zgjedhjeve të lira dhe të ndershme, pasi sipas tij është kyç për të ardhmen europiane të Shqipërisë.

MESAZHI I METËS

Kënaqësi të takohesha sot me Ambasadorët e vendeve anëtare dhe Delegacionit të Bashkimit Europian në Tiranë, përpara publikimit të afërt të Raportit të Progresit për Shqipërinë.

U përcolla disa nga shqetësimet, por dhe angazhimin dhe përkushtimin tim të vendosur, për plotësimin e 6 kushteve të BE, realizimi i të cilave do të jetë përcaktues në nisjen e negociatave të anëtarësimit gjatë Presidencës gjermane.

Theksova se garantimi i zgjedhjeve të lira dhe të ndershme është kyç për të ardhmen europiane të Shqipërisë. Paprekshmëria e frymës dhe gërmës së Marrëveshjes së 5 Qershorit është e vetmja mënyrë për të ecur në këtë drejtim.

Leave A Reply

Your email address will not be published.

This site uses Akismet to reduce spam. Learn how your comment data is processed.