Çfarë po ndodh në Elbasan?? RENEA mbërrin me ‘Sniper’, 71-vjeçari në Elbasan vijon të qëllojë me automatik…

0
100

Lefter Zhidru, 71- vjeç, vijon të qëllojë mbi policinë.

Ai prej disa minutash është mbyllur në banesë, ndërsa nga të shtënat janë plagosur dy të rinj, fatmirësisht jashtë rrezikut për jetën.

Ndërkohë në vendin e ngjarjes kanë mbërritur edhe forcat RENEA të pajisura me Sniper.

71-vjeçarit vijohet t’i bëhet thirrje për tu dorëzuar por deri më tani ai vijon të qëllojë me armën e zjarrit.

Një 71-vjecar i identifikuar si Lefter Zhidru pas një sherri me bashkëshorten ka qëlluar me armë zjarri drejt policisë.

Sipas policisë rreth orës 13:20, në lagjen “11 Nëntori” gruaja e agresorit ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Nga të shtënat me armë zjarri janë plagosur dy të rinj përkatësisht 22 dhe 21 vjeçarë, të cilët ndodhen jashtë rrezikut për jetën.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë edhe pas thirrjeve të pandërprera të Policisë për tu dorëzuar.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here