Fjolla Morina, këngëtarja që u kap me armë zjarri në pikën kufitare të Morinës ka kërkuar që gjatë seancës së sotme gjyqësore të mos kishte kamera.
Në videon e publikuar nga Abc News, këngëtarja shihet që qëndron me kurriz nga kamerat dhe mundohet që t’i shmangë ato.
Në sekondën e 44:00, këngëtarja dëgjohet të thotë se e vetmja gjë që ka kërkuar është që të mos kishte kamera.
“Kamerën kërkova mos me e sjellë këtu, s’du me i pa,”– thotë ajo dhe shikon ngultas gazetarët.
Seanca për gjyqin ndaj Morinës është shtyrë për në orën 13:00. Prokuroria ka kërkuar që gjinekologu të jetë prezent në seancë, pasi sipas tyre, një eko nuk mjafton për të vërtetuar shtatzëninë.
Këngëtarja akuzohet për trafik armësh dhe municionesh pasi u kap me një pistoletë dhe një 23 fishekë në kufi të Morinës.
Bashke me të u vunë në pranga edhe biznesmeni Fisnik Syla dhe shoferi Fitim Muja.
Këta dy të fundit kanë deklaruar se nuk e kishin idenë që këngëtarja kishte armë me vete. Vetë Fjolla e ka pranuar autorësinë e armës.