Ambasadori britanik në Tiranë, Duncan Norman, është një nga ambasadorët e përfshirë në arenën politike, ku këtë herë ka bërë thirrjen që duhet të respektohet marrëveshja e 5 qershorit mes palëve politike.
Sipas tij, çdo ndryshim duhet të bëhet në mënyrë transparente dhe të ligjshme.
“Reforma elektorale është temë e nxehtë dhe Britania e Madhe do ta shohë të implementuar në mënyrën më të mirë. Unë nuk di formën e duhur por çdo sistem bëhet funksional nëse është vullneti politik. Ne ishim ekstremist mbështetës për marrëveshjen e 5 qershorit dhe ajo marrëveshje nuk duhet të ndryshoj. Ndryshimet nëse janë, duhen transparente dhe të ligjshme dhe konsensusi është mes palëve politike”, tha Norman.
Ambasadori britanik thekson se përmes vullneti politik mund të sigurohen zgjedhje të lira dhe të ndershme, ku populli të thotë i lirë fjalën e tij.
