Ambulanca ku ndodhej Preng Gjini, i plagosur nga shpërthimi i tritolit dje në Tiranë, u bllokua në trafik. Për shkak se Gjini ishte i plagosur rëndë, nevojitej dërgimi sa më shpejt në spital.
Gazetari Klodian Tomorri ngre një pyetje: A quhet vrasje shtetërore nëse ai do humbiste jetën?
“Kam një pyetje për juristët. Nëse një njeri i sëmurë humbet jetën për shkak se ambulanca ngec në trafik dhe arrin vonë në spital. Nëse trafiku është pasojë direkte e keqmenaxhimit dhe bllokimit arbitrar të rrugëve (që është rasti konkret) a kemi të bëjmë me vrasje shtetërore apo jo?” shkruan ai.