Një ngjarje e rëndë ka ndodhur në mesnatë në Fier. Siç bën të ditur policia, në Mbrostar-Ferko janë dëgjuar disa krisma dhe më pas në spital ka mbërritur i plagosur me armë 50-vjeçari me inicialet N. Xh, nga Vlora. Ai ishte në shtëpinë e tezes së tij, kur është plagosur.
Sot më datë 01.08.2020, rreth orës 00:30, në lagjen Mbrostar-Ferko, Fier, në banesën e tezes së tij, është plagosur me armë zjarri në krahë shtetasi N.Xh, 50 vjeç, banues në Vlorë.
50-vjeçari ndodhet në spital nën kujdesin e mjekëve jashtë rrezikut për jetën.
Autorët dyshohet se janë larguar me një mjet tip ‘Benz’ i cili pak minuta më vonë u gjet i djegur në aksin rrugor Fier-Levan, në vendin e quajtur ‘Rrethrrotullimi i Levanit’.
Eshtë ngritur grupi hetimor dhe po punon për zbardhjen e plotë të ngjarjes, identifikimin dhe kapjen e autorëve.