Ndodh shumë rrallë që bebet të lindin me qeskën amniotike të padëmtuar, veçanërisht në pjesën e kokës.
Vlerësohet se vetëm një në 80 000 lindje është e tillë, gjë që emocionon së tepërmi edhe mjekët që presin foshnjet që lindin me “këmishë”.
Një foshnje e tillë ka lindur së fundi në maternitetin Koço Gliozheni në kryeqytet, ndërsa lajmin e ka bërë të ditur vetë mjekja gjinekologe Anika Dokle.
Dokle ka publikuar edhe fotot e mrekullueshme të bebit të porsalindur.
“Bebush me këmishë”, shkruan doktoresha, një foto e cila ka marrë shumë pëlqime dhe komente nga ana e ndjekësve.