Paralelisht me nisjen e hetimeve që prokuroria ka nisur për një përfshirje të mundshme të sekteve fetare në ngjarjen e rëndë që ndodhi në familjen Josifi në Kombinat, mësohet se është ngritur akuzë edhe për një nga vajzat e mbijetuara.
Mësohet se zyrtarisht prokuroria ka ngritur akuzë për 34-vjeçaren Blerta Josifi, e cila gjendet ende në gjendje të rëndë shëndetësore dhe psikike në Spitalin Psikiatrik.
Sipas burimeve vajza e mbijetuar akuzohet për “moskallëzim krimi”, por sipas varësisë së hetimeve gjendja penale e saj mund të rëndohet edhe më shumë duke i shtuar akuzën e “bashkëpunimit në vrasje”.
Ditën e premte Zhaneta dhe Anisa Josifi, nënë e bijë, 56 dhe 33 vjeç, janë gjetur të vetë-flijuara në shtëpinë e tyre në Kombinat, ndërsa vajza tjetër, Blerta Josifi, në një gjendje të rëndë shëndetësore.
