Presidenti i Republikës Ilir Meta, një ditë pas draftit final të Komisionit të Venecias që i dha të drejtë, duket në super-formë.
Meta ka publikuar një video në rrjetet sociale ku shfaqet në bregdet dhe me fanellën e kampionëve të Skocisë, Celtic.
Por as këtë herë kreu i shtetit nuk i kursen mesazhet.
“26 km vrap përpara perëndimit të diellit. Dhjetë rresht. Nuk është e lehtë por ne mundemi. #CelticFC #CelticFans #CelticTV #CelticView”, shkruan mbi video presidenti i Republikës.