Kryetari i Partisë Demokratike, Lulzim Basha, takoi pasditen e kësaj të enjteje Presidentin e Kosovës Hashim Thaçi.
Nepermjet nje statusi ne rrjetet sociale, Basha thotë se biseduan për zhvillimet aktuale dhe ato të pritshme në Kosovë.
“Forcimi i shtetit të Kosovës,bashkëpunimi me partnerët SHBA&BE për të përmbyllur bisedimet me Serbinë duke respektuar sovranitetin & tërësinë territoriale,integrimi euroatlantik janë sfidat e Kosovës në të cilat unë dhe PD do të vijojmë të japim mbështetjen dhe kontributin tonë të pakursyer.
Jam i bindur se me pjekuri, durim, forcë e mençuri politikanët e Kosovës do t’i tejkalojnë me sukses të gjitha sfidat që kanë përpara” – shkroi Basha në Twitter.
