Analisti Arjan Vasjari i përmendi në News 24 deputetit Damian Gjiknuri përgjimet e gazetës gjermane “Bild” që tregonte për shitblerjen e votave në 2017.
Edhe pse i përfshirë në ato përgjime, Gjiknuri iu shmang përgjigjes dhe tha se bëhej fjalë për një rast sporadik që nuk e ka ndryshuar vullnetin e zgjedhësve.
“Nuk ka të kulluar në shoqëri. Natyrisht edhe proceset nuk janë perfekte, por manipulim është kur i heq dikujt mandatin. Ti thua në 1 milion e 700 mijë transaksione vote paska pas disa parregullsi. Njeriu që synon absoluten nuk e përmirëson kurrë veten.
Janë gjëra sporadike. Ja kishim zgjedhje në 2013, pati probleme, por rezultatin se diskutoi njeri. Në 2017 asnjë sondazh nuk e nxirrte Bashën fitues, natyrshëm nuk i fitonte zgjedhjet ai. Prandaj edhe kjo (BILD) u kthye në çështje politike nga ata, pavarësisht se Shqipëria ka halle të tjera të mëdha.
Humbësit duhet të pranojë kush bën lidhje të shkurtër, del nga rruga, do i bjerë gjatë. S’ka gjë më të keqe se të goditet dikush për shkak të një perceptimi mediatik” – tha Gjiknuri në emisionin Real Story.