Ish-deputeti demokrat Bardh Spahia ka ironizuar Ogerta Manastirliun permes nje postimi ne Facebook. Ai eshte shprehur se thellohen “sukseset” e ministres së Shëndetësisë në injorimin e infektimit të personelit shëndetësor nga virusi Covid.
Sipas ish zv/ministrit të Shëndetësisë, në qendrën shëndetësore nr.9 në kryeqytet edhe pse ka patur staf të infektuar janë ndalur testimet.
Reagimi i Spahisë:
OGERTA THELLON “SUKSESET“ E INFEKTIMIT NGA COVID-19
Thellohen “sukseset” e ministres së Shëndetësisë në injorimin e infektimit të personelit shëndetësor nga virusi Covid. Tek vatra e identifikuar në Qendrën Shëndetësore nr.9 nuk po kryhen më testime, pavarësisht 6 rasteve të pranuara pozitive me Covid, mjekë e infermierë. Ogerta nuk e vret mendjen, se cfarë u ndodh pacientëve që shkojnë cdo ditë në këtë qendër për probleme të ndryshme shëndetësore.
“Suksesi“ ka vazhduar në kryeqytet me dy punonjës të tatimeve që kanë rezultuar pozitivë dhe 2 punonjës tek Ujësjellësi. Kurse një rast i ri infektimi në Call Center, tregon se shmangia e pagës së luftës për bizneset kolektive ishte më e rëndësishme, se siguria shëndetësore e punonjësve!
Trajtimi i kësaj pandemie me llogari të ngushta politike ishte një strategji e menduar e jo padije nga ministria e shëndetësisë!
