Ndryshimi i sistemit zgjedhor është tema që po diskutohet në emisionin “Çim Peka LIVE”. Sipas Petrit Vasilit, pjesë e tryezës të Këshillit Politik, ndryshimi i sistemit ka qenë pjesë e axhendës, ndërsa shtoi se në takim janë prezantuar 5 modele të ndryshme.
Nga ana e tij Dashamir Shehi tha se : “Debati nuk bën keq. Je me Edi Ramën, nuk je me Edi Ramën, nuk është… Më duket shumë banale kush shpall armiq, tradhtarë… Këtu kemi një ushtri hajdutësh e konsoliduar prej shumë vitesh. Debatin nuk kemi pse e mbyllim. Është një tezë që mund të diskutohet. Nuk mund të mohosh debatin. Për më tepër që këtu patëm një propozim nga ambasada amerikane. Ne kështu i bëjmë qejfin Edi Ramës. Ata janë kundër Amerikës, ne jemi pro. Ky është një kurth i vjetër i kësaj mazhorance që opozita ka rënë disa herë.”
