Në një xhami në qytetin e Izmirit, në Turqi gjatë lutjeve në muajin e shenjtë te Ramazanit u dëgjua kënga e serialit të famshëm “La casa de papel”, Bella Ciao.
Kjo i ka shqetësuar të gjithë banorët përreth si dhe autoritetet të cilët u detyruan të ndërhyjnë.
Për shumë pak kohë, videoja e publikuar bëri xhiron e rrjetit ku ka nxitur dhe shumë debate e kritika.
Zyra vendore për punët fetare ka denoncuar rastin si sabotim, ndërsa autoritetet kanë nisur një hetim të thelluar.
Prokuroria e Izmirit ka nisur një hetim për rastin në fjalë dhe videot e shpërndara, duke e quajtur këtë që ndodhi fyerje ndaj vlerave fetare.