Presidenti Ilir Meta i ftuar mbrëmjen e sotme në emisionin “Aktualitet” në Fax News foli në lidhje me situatën e aktualitetit në vend pas shembjes së godinës së Teatrit Kombëtar.
I pyetur nga gazetari Bejdo Male se për çështjen e Teatrit Kombëtar, ka deklaruar se shembja e tij është e paaminstueshme.
Meta:
Ndjehem shumë i detyruar ndaj artistëve në përgjithësi të cilët janë shumë të tronditur dhe të lënduar nga kjo që ka ndodhur. Nëpërmjet mediave, por edhe në takimet e afërta me ta kam parë shumë lot. Sjellja në 17 maj ndaj tyre ka qenë çnjerëzore. Nuk është synuar shembja e teatrit, por e demokracisë. Mendoj që është zgjuar qytetaria dhe besoj se demokracia do ta rrethojë diktaturën dhe do ta shembë atë në mënyrën më të vendosur dhe qytetare.