Burime bëjnë me dije se aktorët dhe aktivistët që mbrojnë Teatrin Kombëtar po përgatiten për një ndërhyrje gjatë mbrëmjes së sotme nga IMT për shembjen e godinës.
Aktoret thone për Fax News se kanë sinjalizime serioze që do të ketë ndërhyrje dhe për këtë do të përdoret edhe forca e policisë së Shtetit dhe atyre bashkiake.
Kujtojmë se prej disa ditësh ka kaluar në pronësi të bashkisë së Tiranës trualli dhe godina e Teatrit Kombëtar ndërkohë që kompetencën për të shembur e ka marrë IMT në varësi të pushtetit vendor.
Protestat dhe zëri i artistëve e aktivistëve është shtuar akoma më shumë se fundmi, ndërsa nuk kanë munguar edhe përplasjet, deklaratat e forta dhe përfshirja e aktorëve më të lartë të shtetit në debatin për çështjen në fjalë.
Kundërshtarët e shëmbjes së TK thonë se janë vigjilent dhe në rast të një ndërhyrje të palajmëruar, kanë marrë të gjitha masat për të mobilizuar sa më shumë njerëz.
