Rrëzimi i qeverisë Kurti, Demalia komenton ashpër: E turpshme, në Uashington lobi serb më i fuqishëm se ai shqiptar

0
121

Analisti, Ilir Demalia, u shpreh per Ora News se i sheh me mjaft shqetësim zhvillimet politike në Kosovës ku kriza politike është bërë njësh me krizën shëndetësore për shkak të pandemisë.

Demalia thotë se rrëzimi i qeverisë Kurti përkundër çdo rezerve ndaj qeverisjes së tij është zhvillimi më i turpshëm që ka ndodhur në një kohë kur edhe vëmendja e botës është te pandemia.

Me tone të ashpra ai kritikon  kastën e vjetër politike që në gjykimin e tij po bën gjithçka për të ruajtur favoret e përfituara nga keqqeverisja kriminale dhe korruptive.

Ilir Demalia: Ky zhvillim në Kosovë është i turpshëm, ka kaluar çdo kufij. Kur vjen puna që ne kërkojmë ndihmë nga bota, unë mendoj që po ta nxjerrim vetën jashtë të qenit shqiptarë, kush mund të merret këto ditë? Është jashtë çdo arsyetimi, jashtë çdo logjike dhe mendimi të luftës politike. Ajo çfarë ka ndodhur në Kosovë se u shkatërrua një qeveri pavarësisht se çfarë mund të thonë për Kurtin, jo i majtë, nuk merrem fare.

Por në një situatë kur bota është e tronditur nga koronavirusi, kur bota është e shqetësuar se çfarë po ndodh në vendet e tyre, kur vetë BE është në pikëpyetje, kur Rusia ka interesat e saj të hershme në Ballkan dhe vazhdon dhe sot, kur politika amerikane ka vënë Grenell që është i suportuar nga lobi serb dhe zëvendëspresidentit Mike Pence dhe senatorë të tjerë, kur jemi në prag zgjedhjesh dhe presidenti Trump fali nga burgu ish-Guvernatorin të Illinoisit, Rod Blagojevich.

Të gjitha këto po ti bësh bashkë, se Amerika funksionon dhe me lobe të ndryshme, u interson ai lob që u jep fuqi për vota.Lobi serb është shumë më i madh si numër, shumë më i fuqishëm ekonomikisht dhe me influencë politike shumë më të fuqishme në Uashington se shqiptarët. Kjo sepse edhe shqiptarët në Amerikë ashtu si në Shqipëri janë përçarë në organizata dhe shoqata pa asnjë lloj vlere, qoftë intelekti apo morali.

Një patriotizëm folklorik që nuk ja vlen ta trajtosh. Megjithëse lobi shqiptar ka luajtur rol në pavarësinë e Kosovës me anën financiare, janë dhënë para të mëdha. Megjithëse pavarësia e Kosovës nuk erdhi nga ajo por nga situatat politike që u zhvilluan në atë kohë.  Fati i madh ai moment dhe predispozicioni i presidentit Bill Clinton që  ndodhi ajo që ndodhi në Kosovë përndryshe sot Kosova nuk e dimë ku do të ishte. Shesim ne këto çlirimtarët e Kosovës. 

Ata shumë mirë bënë që morën pushkën dhe dolën dhe pastaj ato pushkë i përdorën si partizanët e ’45 për të marrë prona, për të vjedhur dhe vrarë kundërshtarët e tyre. Tani për të ruajtur këtë gjë të vjedhur, këtë qeverisje kriminale rrëzojnë Kurtin në një situatë të tillë edhe sikur ai të kishte 1000 të këqia, për të ruajtur kashtën e vjedhur dhe abuzimet që kanë bërë me pushtetin, për të mos shkuar më larg.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here