Mjeku infeksionist Pëllumb Pipero thotë se tashmë e kemi kaluar pikun e koronavirusit.
Ai thekson se në fillimin e javës tjetër numri i të infektuarve do bjerë akoma më shumë.
“Nga fundi i prillit numri i të prekurve do jetë shumë i ulët. Ndoshta do kemi raste sporadike në maj”, tha Pipero në Opinion
Mjeku theksoi se kurba ka qenë e butë, jo shumë problematike për sistemin tonë shëndetësor dhe kjo falë një sërë masash efektive.
“Numri i ulët i telefonatave tek 127, ulja e rasteve që shtrohen dhe shtimi i rasteve të shëruara është i dukshëm”, theksoi Pipero.