Standard.al

Ndryshon projekti për bulevardin e ri në Sarandë, hidhen gurë në det, banorët: Akt makabër

0

Këto janë pamjet nga punimet e bulevardit të Sarandës, ku duket qartë që hedhja e gurëve në det mund të konsiderohet një masakër. Kjo ndodh pikërisht në plazhin publik. Punimet në këtë bulevard janë ndërprerë disa herë.

Në bulevardin e Sarandës punimet kanë rifilluar. Ajo që ishte jashtë këtij plan projektit ishte mbushja e detit me gurë.

Po përflitet që këto gurë do të shërbejnë për të ndërtuar mole. Ndërsa bashkia nuk ka bërë asnjë bashkëbisedim me qytetarët për ndryshimin e projektit.

Qytetarët e Sarandës e quajnë akt makabër ndaj detit.

Ky projekt u kundërshtua që në fillim, ku pati edhe protesta, por u premtua se nuk do të prekej deti dhe plazhi publik. Por disa muaj më pas premtimi u shkel me dy këmbë. Saranda ka vetëm dy plazhe publike. Një projekt i tillë kufizon mundësitë që qytetarët të bëjnë plazh pa shpenzuar para. /abcnews.al

Leave A Reply

Your email address will not be published.

This site uses Akismet to reduce spam. Learn how your comment data is processed.