Nëna e pesë fëmijëve, e njohur si nëna e “mrekullisë” 13 vite më parë kur solli në jetë katërnjakët e saj, vdiq nga koronavirusi në moshën 39-vjeçare. Shabnum Sadiq, e cila punoi si një këshilltare për Borough, që përfaqëson partinë Laburiste në Britani, kishte udhëtuar në Pakistan për një dasmë në fillim të marsit, por ishte goditur nga virusi ato pesë ditë të udhëtimit të shkurtër.
Shabnum po luftonte për të marrë frymë në një respirator prej 24 ditësh, shkruan Daily Mail”.
Më 26 qershor 2006, Shabnum lindi katërnjakë nga me një operacion cezarian të planifikuar, duke mundur shanset 729,000 me 1 për të lindur katërnjakë me ngjizje natyrale. Lindja rezultoi me sukses me gjithë diagnozën e sindromës policistike të vezores, nga e cila mund të mos ishte më në gjendje të lindte fëmijë.
Por ajo i mundi shanset 729,000 në një. Shabnum fitoi zgjedhjet në Wexham Lea në maj 2016, duke shërbyer në komitete të ndryshme këshilli. Ajo kishte qenë gjithashtu anëtare kryesore e këshillit për arsimin dhe shërbimet e fëmijëve në Slough, Berkshire.
Këshilltari James Swindlehurst, udhëheqësi i këshillit tha: “Kjo është shumë tronditëse për të gjithë ne dhe mendimet tona janë me familjen dhe miqtë e saj. Shabnum ishte një këshilltare e përkushtuar dhe pavarësisht se ishte vetëm në mandatin e saj të parë, ajo kishte dhënë një kontribut përtej kohës që do të kalonte në dhomën e këshillit. Ne kemi punuar së bashku dhe personalisht do të më mungojë shumë thellësisht. Kjo është një humbje e konsiderueshme për këshillin dhe qytetin, por nuk është asgjë në krahasim me humbjen që familja e saj, miqtë e afërt dhe komuniteti po ndjejnë tani”.
Shabnum la pas burrin e saj dhe pesë fëmijët.
Flamujt në zyrat e këshillit Shtëpia e Observatorit dhe “St Martins Place” po fluturojnë në gjysmështizë si një shenjë respekti.
