Përfundon takimi Thaçi-Kurti: Ja çfarë i kërkova Presidentit

0
142

Kryeministri në detyrë Albin Kurti dha detaje nga takimi me Presidentin Thaçi që kishte sot nga ora 10:00.

Në një deklaratë për mediat, Kurti tha se gjatë takimit u bisedua për masat të cilat i ka ndërmarrë Qeveria ndaj pandemisë COVID-19.

“Ne biseduam për masat që ka marrë Qeveria dhe punët që kemi bërë ne kundër përhapjes së pandemisë COVID-19 dhe angazhimin e shkëlqyer të organeve dhe mekanizmave të shtetit por edhe vullnetarëve të shumtë si dhe të disiplinës së përgjithshme të qytetarëve tonë” ka thënë ai.

Gjatë këtij takimi Kurti ka bërë të ditur që është diskutuar edhe për situatën aktuale, për të bërë një Qeveri të re.

“Ne biseduam për situatën aktuale institucionale, meqë rast pyetjeve dhe përpjekjeve të presidentit që të flasim për Qeveri të re dhe kandidatura të reja ne jemi përgjigjur për qëndrimin tonë, ne nuk mund të kalojmë diku tjetër dhe të kalojmë nenin 82 pika 2 e Kushtetutës së Kosovës ku thotë se pas mocionit të mosbesimit shkohet në zgjedhje të reja”.

Ai gjithashtu tha se presidenti i është zotuar respektimit të kushtetutës.

“Presidenti u zotua se do ta respektoj Kushtetutën ligjin dhe praktikat e më hershme” .

/Gazeta Zëri

Web Agency, Digital Agency, Web Development Agency

LEAVE A REPLY

Please enter your comment!
Please enter your name here