Me sa duket koronavirusi në Shqipëri do vazhdojë të fusë nën kthetra më shumë viktima.
Janë konfirmuar katër raste me Covid -19 në qytetin e Vlorës.
Bëhet fjalë për katër anëtarë të një familje, gjyshja 77 vjeçe, një 69 vjeçar, një grua 50 vjeç dhe një djalë 24 vjeç.
Dyshohet se katër anëtarët e familjes janë infektuar nga djali tjetër i familjes i cili kishte ardhur nga Bergamo në datën 8 mars në Shqipëri.
Më pas djali është larguar nga Shqipëria në datën 20 mars në Gjermani. Mësohet se ai nuk ka shfaqur shenja gjatë qëndrimit në shtëpinë e tij në Vlorë.
Vlora i është shtuar kështu hartës së të infektuarve me koronavirus në Shqipëri./abcnews.al