Në orën 19:00 luhet sfida Tirana-Partizani në “Air Albania” . Një përballje mes dy rivalëve të përjetshëm, por dhe një ndeshje shumë e rëndësishme për fatin e dy skuadrave në këtë sezon të futbollit elitar në vend.
Kjo është një nga arsyet që ka nxitur interesimin e madh të tifozëve, që pritet të mbushin tribunat e stadiumit. Deri në mesditën e sotme ishin shitur më shumë se 18.500 bileta. Tirana, që është edhe organizatore do të ketë edhe mbështetjen më të madhe, ndërsa në sektorin rezervuar për tifozët e Partizanit vihet re një stepje në shitjen e biletave.
