Standard.al

Zëvendëskryetari i LSI-së: Rama grusht shteti duke vjedhur kompetencat e Metës…

0

Zëvendëskryetari i LSI-së Luan Rama iu është bashkuar reagimeve që ka sjellë përplasja mazhorancë-Presidencë.

Përmes një deklarate për mediat nga selia e LSI-së Luan Rama theksoi se kryeministri Rama po bën përpjekje që të kapë shtetin, përmes vjedhjes së kompetencave të presidentit. Sipas tij, ky është ndër skenarët për grushtin e shtetit.

“Ndërkohë që qeveria duhet të punonte për plotësimin e kushteve për BE, po bën të kundërtën. Po bën atë që ka bërë gjatë kësaj periudhe qeverisje, me synim kapjen e shtetit dhe kriminalizimin e tij.

Përpjekje kriminale përmes vjedhjes së kompetencave të presidentit, është një prej skenarëve të realizimit të grushtit të shtetit. Le ta kuptojnë dhe ata pseudo-jurist se duke menduar se duke u hequr si budallenj, mund të amnistohen publikisht. Grusht shteti nuk do të thotë që të dalin tanket në rrugë që i kundërvihen qeverisë.

Grusht shteti është dhe kur një pjesë e pushtetit merr në mënyrë të paligjshme kompetencat e në pushteti tjetër.

Grusht shteti është kur dhe me ligj vidhen kompetencat e një pushteti tjetër, siç po ndodh në Shqipëri. Dokumentet e publikuara nga presidenti tregojnë qartë këtë.”, tha Luan Rama.

Leave A Reply

Your email address will not be published.

This site uses Akismet to reduce spam. Learn how your comment data is processed.