‘Çmenduria’ ka ndodhur në stadiumin “Air Albania”.
Tirana ka bërë përmbysjen e papritur 2-1 në sfidën ndaj Kukësit e vlefshme për javën e 23-të në Kategorinë Superiore.
Brenda 120 sekondash bardheblutë shënuan dy herë fillimisht me anë të Idriz Batha i cili nxori nga repertori i tij një “perlë” të vërtetë duke shënuar nga goditja e dënimit.
Torasa kalon në avantazh bardheblutë. Pas një depërtimi fantastik të Kobina nga e djathta, ky i fundit asiston për argjentinasin Torasa, i cili e ka shumë të lehtë me portën e boshatisur të shënojë.
Festë e çmendur e kryeqytetasve në stadiumin e ri kombëtar.
