“SPAK po i shërben Ramës”, Bardhi paralajmëron skandalin e rradhës: Një tjetër kryebashkiak i PS i dënuar, po bëjmë verifikimet

0
107

Sekretari i Përgjithshëm i PD-së, Gazmend Bardhi i ftuar në Abc News përballë gazetarit Endri Xhafo tha se PD është duke verifikuar një tjetër kryebashkiak socialist, për të cilin ka të dhëna se është i dënuar më parë.

Bardhi theksoi se nuk po e bëjnë ende publik emrin e tij pasi duan që të bëjnë verifikimet deri në fund.

Intervista

U ulët në tryezë me Gjiknurin, është komentuar shumë kjo kthesë e PD-së…

Më duhet të sqaroj histerinë e pakuptimtë se kush përfaqëson PS-në në tryezën politike, PD-ja nuk ka pasur asnjë kusht nëse ulet në tryezë me Gjiknurin, Pjerin Ndreun apo Ulsi Manjën, sepse askush nuk beson se ata që dolën në përgjimet e BILD, pjesë e dosjes 184 kanë vepruar pa një mbështetje të kokës së partisë së tyre që është Edi Rama. Pra për ne, Gjiknuri konsiderohet sikur të jetë vetë Edi Rama. Ky lloj përfaqësimi në tryezën e reformës është turp për PS-në.

SPAK mori vendim të mos e hetojë dosjen 184, duke e lënë në Dibër. Ju e keni shprehur qendrimin publik por desha të di e keni humbur besimin tek kjo strukturë apo kreu i saj, Arben Kraja?

Ne kemi dhënë gjithë mbështetjen e nevojshme për ngritjen e kësaj strukture dhe kemi kërkuar rrugën e integritetit të SPAK, por nga dje u mësua se Arben Kraja është dërguar atje për ti shërbyer mbylljes së dosjeve të korrupsionit qeveritar. Dosja 184 është voluminoze janë me orë të tëra përgjime, shumë më shumë se c’ka nxjerr Bild. Ai nuk e heton këtë dosje, ku kanë përgjegjësi penale zyrtarët e lartë. Brenda 30 minutash thotë se nuk e hetojmë duhet ta hetojë prokuroria e Dibrës. Çdo jurist e di si duhet të paktën një periudhë 2-3 javore për të shqyrtuar materialet, por ai refuzon ta marrë në shqyrtim. Arben Kraja i SPAK ka vendosur ta varrosë dosjen që do të çonte në burg zyrtarët e lartë të PS-së. Prokuroria e Dibrës, ku ka ngecur tashmë kjo dosje nuk merr dot vendim për të ngarkuar me përgjegjësi penale Ulsi Manjën, Pjerin Ndreun që janë zyrtarë të lartë dhe jo zyrtarë lokal të Dibrës.

Në dosjen 184 janë implikuar deputetë, ish-ministra dhe ata janë automatikisht kompetencë e SPAK. Kam bindjen se prokuroria e Dibrës jo vetëm s’ka kompetencë por as kapacitete për ta hetuar këtë dosje.

Shqiptarët kanë parë Pjerin Ndreun të kërcënojë mësuesit për votat. Me dy veprime hetimore, sot Pjerin Ndreu duhet të ishte në burg dhe jo kryebashkiak i paligjshëm në Lezhë. SPAK do të duhej të merrte dëshminë e drejtorit të arsimit Dibër dhe të drejtorit të Dibrës si dhe tabulatet telefonike për të çuar pas hekurave Ndreun.

Por Arben Kraja nuk e hap dosjen fare, edhe pse ka ekzaktësisht për detyrë të hetojë zyrtarët e lartë publik.

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here