Ndërkohë që Ministrja e Drejtësisë, Etilda Gjonaj, raportoi në Komisionin e Sigurisë për amnistinë në burgje, deputeti Lefter Maliqi ka gjetur rastin që ta pyesë përfaqësuesen e qeverisë për lirimin e disa të “fortëve” në ditët e fundit.
Maliqi u shpreh se burgjet janë mbushur plot me hallexhinj, ndërkohë që VIP-at po dalin një e nga një, ndërsa shtoi se parimin e famshëm Kap Ça të Kapësh, e kanë brenda vetë qeverisë. “Lidhur me lirimin e disa te burgosurve ditëve të fundit, KÇK është në çdo cep të qeverisë. Burgjet e Shqipërisë janë mbushur plot me hallexhinj, të burgosurit VIP po dalin një nga një”, tha Maliqi.