Një shqiptar u dënua me dy vite burg në Holandë për një ngjarje që bëri bujë në maj të këtij viti.
Ai jo vetëm vodhi një kamion, por edhe rrezikoi jetën e policëve.
Pasi goditi makinën e policisë, kamioni u fut në korsinë e emergjencës dhe teksa ishte në ecje e sipër, tre persona kërcyen prej tij dhe u arratisën.
Shqiptari që drejtonte kamionin vazhdoi ta ngiste edhe pak, bëri një aksident dhe mjeti ndaloi. Më pas u largua në këmbë, por u detyrua të ndalonte kur forcat e policisë qëlluan në ajër si paralajmërim.
46-vjeçari tha se nuk ishte shoferi i mjetit, por vetëm një emigrant që e kishin futur në mjet. Por të dhënat e ADN-së nga timoni dhe koka e marshit treguan se ai ishte drejtuesi.
Ai u fajësua sidomos sepse vuri në rrezik jetën e shumë të tjerëve në rrugë.
