Ndarjen nga jeta të “Artistes së Merituar”, Marika Kallamata, e ka komentuar edhe Presidenti Meta.
Nëpërmjet një shkrimi në Facebook Meta shprehet ndër të tjera se është një humbje e pazëvendësueshme për teatrin dhe kinematografinë shqiptare, dhe u përcjell ngushëllimet më të sinqerta të afërmve dhe bashkëpunëtorëve të saj
Postimi i plotë:
Ndarja nga jeta e artistes së shquar dhe të dashur Marika Kallamata, është një humbje e pazëvendësueshme për teatrin dhe kinematografinë shqiptare!
Trashëgimia e pasur artistike, galeria e roleve të interpretuara me mjeshtëri të rrallë dhe të gjitha kujtimet që na la pas, nderohen me respekt dhe do të mbahen mend gjithmonë.
Duke ndarë dhimbjen, u përcjell ngushëllimet më të sinqerta të afërmve dhe bashkëpunëtorëve të saj, si edhe të gjithë artdashësve shqiptarë!
