Hapi 1, vendosi kontroll mbi mediat.
Bleu me leje ndertimi pronaret e medias. Joshi gazetaret me vemendje dhe favore dhe krijoi nje ushtri analistesh te paguar. Ata qe mbeten I delegjitimoi duke I akuzuar, denoncuar dhe telendisur publikisht.
Hapi 2, zevendesoi gazetarine me propaganden.
Futi konceptin e kasetave te gatshme, duke iu hequr mundesine gazetareve te silleshin si te tille. Pastaj i zevendesoi fare duke i detyruar mediat te ktheheshin ne ri-transmetues te televizionit te tij privat.
Hapi 3, eliminoi lirine e fjales online.
Administraten e monitoron per ate qe thote ne Facebook. Prej vitesh pushohen njerezit nga puna per nje like. Nderkohe, detyrohen te bejne like dhe share postimeve te tij.
Ata qe punojne ne sektorin privat i kercenon me inspektore, police dhe me presione te tjera nga larte poshte.
Pastaj krijoi Acromaxin qe te mbylle profilet e atyre qe e denoncojne dhe per te bllokuar te gjitha portalet kritike ndaj tij.
Per ata pak qe kane mbetur, brenda apo jashte vendit, kaloi sot nje ligj qe na rikthen ne kohen e “agjitacion e propagandes”.
Tashme nxjerrja e dufit online do kushtoje shume me teper.
Hapi 4, do zevendesoje fjalen e lire me genjeshtrat e fabrikuara ne zyrat e komitetit qendror.
Nderkohe qe zerat tane pakesohen, dobesohen apo shuhen, hapesiren online do e mbushin trollsat qe paguhen me rroge apo me favore. Kritiken do e zevendesoje servilizmi i verber, ankesen do e zevendesoje lutja, dhe denoncimin do e zevendesoje propaganda per nje realitet qe ekziston vetem ne videot e qeverise.
Hapi 5, do vendose kontroll te plote mbi fjalen e lire ne cdo ambient publik edhe privat.
Nuk eshte e larget koha kur do gjobitemi per ato qe do themi ne kafene; do pushohemi nga puna per ato qe themi ne autobuz; dhe do arrestohemi nese ankohemi tek rradha e bukes.
Kamerat neper rruge dhe dyqane i ka vendosur. Celularet, TV dhe laptopet i kemi gati. Keshtuqe nuk do e kete te veshtire te na monitoroje edhe cfare mendojme.
Udheheqesi i tij shpirteror ne Turqi arreston njerez qe kapen nga kamerat e rruges duke u ankuar per qeverisjen e tij.
Ky nuk eshte nje film fantastikoshkencor apo tregim futurist orwellian.
Ky eshte nje realitet i prekshem per kete popull qe e ka ende te fresket kujtimin e diktatures qe menduam se e kishim lene pas…
Nga Endri Shabani
