Anëtari i Kryesisë së PD dhe diplomati Tomorr Alizoti e ka cilësuar kryeministrin Edi Rama si një njeri të rrezikshëm, i cili duhet rrëzuar nga shqiptarët.
“E gjithë struktura duhet të funksionojë. Nuk mund ta sfidojë Shqipërinë Kosova, është e turpshme. Tani ka dalë një njeri, që është fatkqeësia më e madhe. Del një njeri, që nga na i nxorri Zoti… Unë fatkqeësinë e shoh te populli. Rama ka gjetur terren dhe e bën. Nuk do të ndodhte e njëjta gjë në Serbi, Kroaci. Rama ka gjetur shesh e bën përshesh.
Ky popull nëse e do Ramën dhe i vbjen për të qeshur nga Rama, le ta mbajnë. Ky popull ka mbajtur edhe Enver Hoxhën. Shoqëria duhet të ngrihet në këmbë e ta rrëzojë. Unë e shoh shumë të rrezikshëm Edi Ramën, nuk duhet të fitojë zgjedhjet e 2021. Ky është apeli im për shqiptarët.
Kam neveri për batutat e tij. Nëse dua të qesh, unë dëgjoj Charlin Chaplin, jo Edi Ramën. Është fatkeqësi. Nuk ka një tezë politike, nuk ka tezë ekonomike. Bëri një lëmsh të madh me Kosovën, me Ballkanin. Ka disa analistë që paguhen mirë… Demokracia është përgjegjësi, nuk vjen nga jashtë. Po të vinin amerikanët nuk do e linin Enver Hoxhën 50 vjet”, u shpreh Alizoti./Syri Tv
