Mediat greke: Greqia pranë shqiptarëve, dërgojnë 200 tonë ndihma për të prekurit nga tërmeti…

Greqia vijon të qëndrojë në krah të popullit shqiptar, në këto momente dramatike, pas tërmetit katastrofik të 26 nëntorit. Mediet fqinje raportojnë se Kryqi i Kuq Grek ka sjellë sot në Tiranë më shumë se 200 tonë ndihma për të prekurit nga tërmeti.

Siç raportojnë mediet greke, ndihma u transportua në dy faza, 28-29 nëntor dhe 5-6 dhjetor. Si mbledhja e produkteve, ashtu edhe transporti në Shqipëri, u realizua vetëm me vullnetarë të Kryqit të Kuq Grek dhe kontributin e kompanive greke të transportit, ndërsa ndihmat janë mbledhur nga i gjithë populli grek.