Vrasja e shqiptarit Grineo Daka në Londër, ka çuar në pranga edhe një tjetër person.
Mediat angleze shkruajnë se në pranga është vënë shqiptari Edison Brahimi, 29 vjeç, i cili banonte në Camden Road.
Më herët është arrestuar edhe Liridon Saliuka, 29 vjeç, me akuzën e vrasjes, mbajtjes së armeve pa leje dhe plagosje e qëllimshme me pasoja.
27-vjeçari Daka u qëllua për vdekje në Klubin Phoenix Snooker pas një mosmarrëveshjeje mes dy grupeve burrash.
Policia shkoi në vendin e ngjarjes pas raportimeve për të shtëna me armë. Daka u shpall i vdekur në vendin e ngjarjes dhe dy burra të tjerë u dërguan në spital me lëndime të rënda.
Pas ngjarjes policia beri apel per të identifikuar personat e kapur në kamerat e sigurisë gjatë natës së sulmit.
Kryeinspektori i hetuesve, Mark Wrigley, tha: ‘Ne duhet të flasim urgjentisht me njerëzit e paraqitur në pamjet e publikuara sot, pasi ata mund të mbajnë informacione domethënëse në lidhje me vrasjen e Grineo Daka.
Nëse jeni një nga njerëzit në këto imazhe, ose nëse i njihni ato, ju lutemi paraqituni sa më shpejt që të jetë e mundur. Ne kemi nevojë që komuniteti të na mbështesë dhe të ndihmojë që ata që janë përgjegjës që të dalin përpara drejtësisë’.
