Presidenti Ilir Meta ka vizituar këtë të diel disa shtëpi të shkatërruara nga tërmeti i 26 nëntorit.
Gjatë kësaj vizite, Kreu i Shtetit ka takuar edhe banorët e këtyre banesave, me të cilët ka biseduar për përballimin e pasojave të rënda.
“Sot në Armathë vizitova disa shtëpi të goditura rëndë nga tërmeti dhe biseduam me banorët për përballimin e pasojave të rënda. Vazhdimi me përgjegjësi të plotë i evidentimit të sigurisë së banesave dhe ndihma për emergjencën aktuale, detyrë prioritare”, shkruan Presidenti Meta në Facebook.