Jemi mësuar të shikojmë shpesh incidente në fushën e sportit, por më i çuditshmi vjen nga Suedia.
Teksa po luhej sfida e hendbollit mes Boden dhe Skare, një makinë u gjend shumë pranë parketit të ndeshjes. Makina u përplas me muret rrethuese të palestrës, për tu gjendur më pas në afërsi të sallës së lojërave.
Kjo solli panik dhe tmerr te të pranishmit në sallë, të cilët nuk e kuptuan se çfarë ndodhi. Fillimisht u mendua se vendi u godit nga një tërmet, pasi përplasja solli shumë tronditje të banesës, por kamerat fokusuar më pas makinën në ambientet e sallës së palestrës.
Pamjet e lojtarëve të cilët largohen nga të katërta anët për të gjetur shpëtim u bë virale në rrjetet sociale. Ndërkohë, trajneri vendas, Johan Nystrom e cilësoi incidentin si një mrekulli, pasi nuk solli të lënduar.
“Është një mrekulli që askush nuk u lëndua. Dhjetë sekonda para se të ndodhte incidenti, lojtarët kishin qenë pikërisht në të njëjtin vend ku hyri makina. Është thjesht fat i pastër, pothuajse një mrekulli që askush nuk ka ndodhur të jetë aty në momentin e përplasjes dhe se askush nuk është lënduar,” deklaroi tekniku i Boden
