Standard.al

Meta: Me zemër në këtë aksion. Bebe Rexha thirrje shqiptarëve: Momenti juaj që të ndihmoni familjet në nevojë

0

Këngëtarja e njohur Bebe Rexha dhe Presidenti Meta vizituan sot sëbashku zonat e prekura nga tërmeti. Ata u ndalën edhe ne fshatin Bizë Ishëm, në një prej familjeve më të prekura nga tërmeti.

Kreu i shtetit, duke falenderuar këngëtaren për kontributin e saj tha se vetëm përmes solidaritetit do të përballojmë këtë situatë të vështirë.

“Unë jam shumën mirënjohës ndaj Bebe Rexhës, e cila në radhë të parë i ka kushtuar kësaj tragjedie kohën e saj, ka ndryshuar agjendën e saj dhe ka vendosur zemrën e saj në këtë aksion mjaft konkret për të qenë pranë disa prej komuniteteve më të prekura.

Shumë faleminderit Bebe për këtë solidaritet për këtë krenari që ndjen që je shqiptare dhe për faktin që je me ne në momente mjaft të vështirë, që ne nuk i kemi përjetuar prej shumë kohësh. Vetëm përmes këtij solidariteti jemi të bindur që do ti përballojmë dhe do të ndihmojmë këto familje që sot janë në kushte më të vështira, por që nuk janë pa shpresë”,- tha Presidenti.

Nga ana e saj Bebe Rexha tha se është e lumtur që do të ndihmojë një tjetër familje.

“Jam shumë e trishtuar, jam krenare që jam shqiptare dhe jam e lumtur do të ndihmoj një tjetër familje. Kjo është shtëpia e dytë që do të ndërtoj. Është e rëndësishme që ne të ndihmojmë Shqipërinë. Jam krenare që do të ndihmojë njerëzit shqiptarë”,tha Bebe Rexha.

           

Leave A Reply

Your email address will not be published.

This site uses Akismet to reduce spam. Learn how your comment data is processed.