Presidenti Meta pret ministrin e Jashtëm grek, Nikos Dendias: Të gatshëm t’ju ndihmojmë në çdo mënyrë

0
123

Ministri i Jashtëm grek Nikos Dendias ka mbërritur sot në Tiranë ku është takuar me presidentin Ilir Meta, të cilit i ka shprehur mbështetjen për vendin fqinj për situatën dramatike që po përjeton pas tërmetit.

Presidenti Meta ka falenderuar ministrin grek Dendias:

“Falenderimet e përzemërta për të gjithë popullin shqiptar, për qeverinë e vendit mik, që në këto ditë tragjike për vendin tonë mbërriti në Shqipëri jo vetëm për të shprehur mbështetjen por edhe për të parë dëmet e rënda. Jam i bindur se kjo vizitë do t’i shërbejë edhe komunitetit ndërkombëtar që të na ndihmojnë të përballojmë këtë tragjedi”, u shpreh Meta.

Nga ana e tij, ministri grek Dendias tha se vendi i tij është i gatshëm të ndihmojë Shqipërinë në çdo mënyrë.

“Zoti president faleminderit për pritjen, e di që janë çaste të vështira për Shqipërinë. Jam këtu me udhëzimet e ministrit MItsotakis për të ofruar ngushëllimet e popullit grek dhe për të ofruar ndihmesën tonë në çfarëdo lloj mënyre. Greqia ka një përvojë të gjatë nga tërmetet. Dy skuadra të mbrotësve civilë nga Greqia janë këtu për t’ju ndihmuar. Jemi gati t’ju ndihmojmë për çfarëdo lloj çështje edhe me BE-në dhe në çdo mënyrë që mundemi. Më lejoni të shprehë ngushëllimet popullit shqiptar dhe të shpreh dëshirën për të ardhur në Tiranë në kushte më të mira”, tha Dendias.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here