Zbulohen një sërë emrash të artistëve të famshëm shqiptarë që do të përformojnë të dielën në ndeshjen Shqiperi-France.
Sipas burimeve, para ndeshjes Shqipëri-Francë, do ketë një spektakël, që do nisë me performancën e Era Istrefit, e cila do këndojë këngën zyrtare të FIFA World Cup 2018, “Live it Up”.
Gjithashtu në skenë do jetë edhe Flori Mumajesi por i vetëm, pasi do prezantojë një remix të këngës “Kuq e zi je ti”, pa Elvana Gjatën.
Koncerti do vazhdojë më pas me Aurela Gaçe, e cila do interpretojë këngën “Xhamadani vija vija”.
Më pas sa i takon himneve kombëtare, “Himni i Flamurit” do të këndohet nga Juliana Pasha, ndërsa “La Marseillaise” do këndohet nga Besa Kokëdhima.