E përzgjedhura me votat e shumicës socialiste, Arta Vorpsi, sot ka kryer një hap që ka i ka tejkaluar të gjitha pritshmëritë e juristëve që po hamendësonin se si do të bënte ajo betimin, në rast të një refuzimi të presidentit Ilir Meta.
Vorpsi gjeti një notere të thjeshtë dhe vulosi kështu nisjen e punës si anëtare e Gjykatës Kushtetuese.
Por faktikisht me këtë veprim është shkelur hapur pikërisht Kushtetuta e Shqipërisë, të cilën ajo pretendohet që ta mbrojë në detyrën e re të “noterizuar” në zyrën private të noteres Miranda Xhemalçe.
Është pikërisht Neni 129 i Kushtetutës, i cili të drejtën për ceremoninë e betimit ia njeh vetëm presidentit.
Aty thuhet në mënyrë të qartë dhe taksative se: “Gjykatësi kushtetues e fillon detyrën, vetëm pasi betohet para presidentit”.