Në datën 17 nëntor, pritet që të luhet sfida e fundit në Grupin A, midis Kosovës dhe Anglisë, në stadiumin ‘Fadil Vokrri’.
Ditën e sotme në orën 16:00, Federata e Futbollit e Kosovës filloi shitjen online të biletave pikërisht për ndeshjen e luksit ndaj Anglisë, ku interesi i tifozëve dardanë është tepër i lartë pasi një rezultat pozitiv mund t’i kualifikojë në EURO 2020.
Nga informacionet që vijnë nga Kosova, faqja online ku kryhet blerja e biletave ka pushuar së funksionuari dhe shumica e tifozëve kanë ngelut të papajisur me një biletë për ndeshjen e shumëpritur.
Megjithatë në Kosovë për blerjen e biletave është duke u zhvilluar fenomeni i ‘tregu të zi’ online. Tashmë në disa faqe online në internet, tifozët mund të sigurojnë bileta, por me një çmimshumë më të lartë.
Nga denoncimet dhe ankesat e ndryshme që janë bërë me anë të fotove, dallohet qartë se çmimi për një biletë Kosovë-Angli shkon deri në 1000 euro.