Standard.al

Reagon ashpër gazetari i njohur: Urgjent zgjedhje! Të ikin nga Kuvendi palaçot e cirkut, karagjozët që paguhen me lekët tona!!!

2

Gazetari Mentor Kikia ka reaguar ashpër për nivelin ku ka përfunduar Parlamenti aktual. Duke u ndalur në mungesën e vlerave intelektuale dhe degradimin moral të deputetëve të asaj që vetëquhet si “opozitë e re”, Kikia shprehet se vendi duhet të hyjë në zgjedhje parlamentare me çdo kusht dhe në mënyrë urgjente.

Ai shton se karagjozllëku, injoranca dhe pazaret e pista të këtyre deputetëve po paguhen nga taksat e qytetarëve shqiptarë. “Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj. Me paratë e mia këta kanë të drejtë të marrin edhe pension suplementar kur të dalin në pension, që do të jetë sa trefishi i pensionit tim”,- shkruan Mentor Kikia.

Postimi i plotë i gazetarit Mentor Kikia në Facebook:

Unë dua që të bëhen zgjedhje parlamentare që nesër. Dhe nuk më intereson fare se cila parti fiton. Dua të jem tërësisht i papërgjegjshëm për forcën politike dhe programin ekonomik.

As ma ndjen fare për negociatat dhe integrimin. Dua vetëm të zhduken nga ai parlament një dyzinë karagjozësh e palaçosh, që marrin guximin e dalin edhe nëpër ekrane. Edhe ata quhen ligjvënës. Edhe ata paguhen më paratë e mia. Unë punoj 12 orë në ditë, bëj vetëm një ditë pushimn në javë dhe paguaj 25% të pagës time taksë.

Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj. Me paratë e mia këta kanë të drejtë të marrin edhe pension suplementar kur të dalin në pension, që do të jetë sa trefishi i pensionit tim.

Këta palaço cirku kanë të drejtë edhe të kurohen jashtë vendit, po me paratë e mia, kur tu rrezikohet shëndeti. Po me paratë e mia, këta kanë të drejtë të marrin edhe kredi të buta, po të butra fare, pa interes, për të blerë shtëpi. Unë paguaj kreditë e bankave që të thithin gjakun, kur ta mbarosh.

Ndaj zgjedhje urgjent! Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje.

2 Comments
  1. ANTON says

    Hallall te qofte. Duhet te zgjohen prej gjumit shqiptaret. Duhet te hiqen gjitha privilegjet e atyre qelbesirave te çdo kampi qofshin. Te vendoset me ligj asnje privilegj per deputetet. Njelloj si ne tjeret.

  2. XXL says

    Po, sa me pare te hiqen nga ai Parlament palacot qe mbahen me parate tona.
    Edhe une nuk dua tja di se kush fiton, vetem te na hiqen nga syte qelbaniket hooRrat!

Leave A Reply

Your email address will not be published.

This site uses Akismet to reduce spam. Learn how your comment data is processed.