Deklarata e kryeministrit Edi Rama e bërë dje, nga studioja e emisionit “Opinion”, ku tha se do të hidhte në gjyq homologun e tij të Kosovës, Ramush Haradinaj, ka nxitur reagimin e ish ministrit të Drejtësisë, Ylli Manjani.
Si gjithmonë, nëpërmjet një postimi në faqen e tij në rrjetet sociale, Manjani i adreson deklaratës “scoop” të Kryeministrit Rama, disa rreshta të hidhur.
“Ramushin e hedhin në gjyq rregullisht serbët. Tani e hedh në gjyq edhe qeveria e Shqipërisë. Të parët nuk e dënuan dot”, shkruan ish ministri i Drejtësisë, Ylli Manjani, në faqen e tij në rrjetet sociale.