Standard.al

Gjoba e Ramës ndaj Tabakut, avokati rrëfen prapaskenat e vendimit të gjyqtares

0

Gjykata ka dënuar për shpifje ndaj kryeministrit Edi Rama, ish-deputeten e PD-së, Jorida Tabaku.

Togat e zeza, të kryesuara nga gjyqtarja Manjola Bejleri, kanë gjobitur me 300 mijë lekë të rinj Tabakun.

Mes të tjerash se Gjykata i ka vendosur edhe një kusht demokrates, ku kjo e fundit duhet të përgënjeshtrojë në ‘Facebook’ deklaratën e bërë më 25.10.2018.

Por në një intervistë ekskluzive për Syri TV, avokati i ish-deputetes, Arlind Ahmetaj ka rrëfyer vendimin skandaloz.

Sipas tij,  ky nuk ishte një gjykim rutinë pasi bëhej fjalë për një prej të drejtave themelore të njeriut, atë të të drejtës së fjalës.

“Që kur mësuam se ky proces do të gjykohej nga gjyqtarja Manjola Bejleri kemi depozituar menjëherë pranë gjykatës një kërkesë për përjashtimin e saj pasi ishim përballë një konflikti interesi.

Në vitin 2011, zonja Bejleri ka qenë një kandidatet për Gjykatën e Lartë, e propozuar nga presidenti i asaj kohe, Bamir Topi. Ky propozim është rrëzuar nga Kuvendi. Në disa dalje në media, Bejleri është shprehur se është përballë një denigrimi dhe sulmi nga deputetët e PD, të cilët edhe kishin votuar kundër.

Nëse gjyqtarja e një procesi ka paragjykuar një parti, minimalisht jemi përballë kushteve të paragjykimit nga ana e gjyqtares lidhur me çështjen në fjalë. Dhe paanësia aty as që mund të diskutohet”, shprehet avokati për mikrofonin e Syri TV.

Ai shton se, vendimi nuk mund të jetë i efektshëm dhe se askush nuk mund të ndrydhet në një shoqëri të lirë dhe demokratike.

Kryeministri ka depozituar në total rreth 15 padi ndaj figurave të PD pas deklaratave të bëra prej tyre ne adresë të tij.

Leave A Reply

Your email address will not be published.

This site uses Akismet to reduce spam. Learn how your comment data is processed.