Gjatë diskutimit për praninë e PD-së në tryezën e Reformës Zgjedhore që do të mbahet me ndërmjetësimin e OSBE-së, ish deputeti demokrat Aldo Bumçi nuk i ka kursyer as kritikat në adresë të ambasadorit Borchardt. teksa shpreh keqardhjen për gjendjen ku ka arritur vend, Bumçi tha se pas gjestit të shëmtuar përballë Drejtorisë së Policisë, ambasadori Borchardt nuk duhej të ndodhej më në pozicionin e tij.
“Borchardt nuk duhet që të jetë aty. Axhendën e vendos kriza e thelluar dhe për fat të mirë do të jetë ambasadorja Glover e cila do të drejtoi tryezën e bisedimeve për Reformën Zgjedhore, si përfaqësuese e OSBE-së, jo një njëri i pa rëndësishëm si Borchardt. Borchardt nuk duhej të ishte aty ku është, duhej të ishte larguar me kohë. Më vjen keq ku ka arritur ky vend”, është shprehur ndër të tjera ish deputeti Bumçi.
