Standard.al

Barcelona kthehet në krye, presioni i ndjekësit kalon te Real Madrid

0

Ditët e këqia dhe dyshimet janë harruar. Barcelona ka gjetur veten, ndërsa pas javës së nëntë në La Liga, tifozët katalunjas mund të thonë me siguri se skuadra e tyre është kthyer në identitet. Messi dhe shokët e tij kanë rinisur të dëfrejnë me lojën e tyre, ashtu si në ndeshjen e fundit të fituar 3-0 në fushën e Eibar.

Griezmann në pjesën e parë, ndërsa pas pushimit Messi dhe Suarez vulosën suksesin e Barcelonës, që merr kryesimin dhe tashmë sposton të gjithë presionin te rivalët.

Sidomos te Real Madrid, që mori një goditje të rëndë në këtë javë të kampionatit spanjoll, duke u mundur 1-0 në fushën e Mallorca.

Megjithëse u ndëshkuan shumë shpejt nga të zotët e shtëpisë, të besuarit e Zinedine Zidane dështuan të evitonin humbjen që I zbret në vendin e dytë të renditjes.

Vazhdon të mos bindë në këtë sezon edhe Atletico Madrid, që përpara tifozëve të tij nuk shkli më shumë se barazimi 1-1 në përballjen kundër Valencia. Kjo ishte ndalesa e tretë radhazi për skuadrën e Diego Simeone, që largohet më shumë nga gara për titullin kampion.

 

 

Një fitore të rëndësishme siguroi Sevilla, që në sfidën mbyllëse të javës së nëntë në La Liga mundi 1-0 Levante.

Leave A Reply

Your email address will not be published.

This site uses Akismet to reduce spam. Learn how your comment data is processed.