Presidenti i Republikës, Ilir Meta nga Kukësi ka folur për hapjen e negociatave. Ai ka deklaruar se nuk mund të flitet asgjë për këtë proces, pasi ende nuk ka përfunduar.
“Shpresojmë të ketë reflektim dhe vendet skeptike të marrin shembullin e Bundestagut”, është shprehur kreu i shtetit.
Meta: Për negociatat nuk mund të flitet sot sepse asgjë nuk ka përfunduar. Shpresojmë të ketë reflektim, shpresojmë që këto vende që janë skeptike të ndjekin shembullin e Bundestagut.
I pyetur nëse do të dekorojë Kryeministrin nëse do të çelen negociatat, kreu i shtetit tha:
Meta: Sot jemi për të dekoruar Radio Kukësin me titullin “kalorësi i flamurit kombëtar” sepse e ka merituar duke përmbushur misionin fisnik, sidomos në mbrojtje të të drejtave të shqitparëve në ish-jugosllavi duke patur kontribute historike për ato arritje që ka Kosova dhe shqiptarët në Maqedoninë e Veriut.
